Tavan Tsagarig USA Inc. & Argamag Incorporated

Манай цаначдын уралдааан дууслаа

Хоёрдугаар сарын 15-нд буюу “Ванкувер-2010” Өвлийн олимпийн XXI  наадмын гурав дахь өдөр манай хоёр цаначин маань уралдааны замд гарлаа. Эхлээд эмэгтэйчүүдийн 10 км-ийн зайд Эрдэнэ-Очирын Очирсүрэн уралдав. Гүйлтийн цанын төрөлд 10 км-ийн зайг “ойрын” зай гэж нэрлэдэг бөгөөд энэ төрөлд нийтдээ 78 тамирчин гараанаас гарлаа.  Ойрын зай болохоор замаасаа гарсан тамирчин гарсангүй бүгд барианд орлоо. Манай Э.Очирсүрэн уралдааны замд улаан өнгийн өмсгөлтэй , 74 хувийн дугаартай гарч,  энэ зайг 32 минут 56,1 секундэд туулж, 74 байрт орлоо. Манай хүний ард Унгар, Армен, Македон, Сербийн цаначид бичигдлээ. Харин энэ зайд олимпод анх удаагаа оролцож буй Шведийн Шарлотте Калла 24:58,4 амжилтаар түрүүлж олимпийн аварга болсон бол мөнгөн медалийг Эстонийн нэрт цаначин олимпийн хошой аварга, дэлхийн аварга Кристина Шмигуна 25:05,0 амжилтаар хүртлээ. Хүрэл медалийг Норвегийн Марит Бьорген зүүв.             Мөн энэ өдөр эрэгтэй цаначид мөн л “ойрын” зай болох 15 км-т уралдлаа. Нийт 96 цаначин гараанаас гарч, Шинэ Зеландын тамирчин гүйлтийн цанын эрэгтэйчүүдийн хамгийн богино зайг туулж, барианд орж чадсангүй. Манай Хүрэлбаатарын Хаш-Эрдэнэ 91 хувийн дугаартай гарч, 42 мин 27,4 секундын амжилтаар 87 байрт орлоо. Манай цаначны ард Бермуд, Ирэн, Бразил, Ирланд, Непал, Этиоф, Перу, Португал мөн дээр дурьдагдсан Шинэ Зеланд гээд 9 орны тамирчин бичигдлээ.  Энэ зайд Швейцарийн Дариа Колонья 33 мин 36,3 секундийн амжилтаар түрүүлж, Италийн П.Коттрер, Чехийн Л.Бауэр нар мөнгө, хүрэл медаль зүүлээ.             Ийнхүү Монголын баг тамирчдын хувьд өвлийн олимп өндөрлөлөө.  Ц.Энхтүвшин (“Таван цагариг”) 

Криштиану Роналду “Эзэн хаан”-ы багт?

нглийн премьер лигийн аварга “Манчестер Юнайтед” өөрийн багийн түлхүүр тоглогч, баруун жигүүрийн хагас хамгаалагч , Португалын шигшээгийн багийн ахлагч 24 настай Криштиану Роналдуг Испанийн “Эзэн хааны” хэмэн алдаршсан Мадридын “Реал” багт хөлбөмбөгийн түүхэнд рекорд болох үнээр худалдахад бэлэн гэдгээ албан ёсоор мэдэгдлээ.

Дэнверийн “дэнжийг хотолзуулсан” өдрүүд

  Монгол эх оронд маань ерөнхийлөгчийн сонгууль ид явагдаж буй торгон мөчүүдэд, Америкийн Монголчууд уламжлалт хөлбөмбөгийн аварга шалгаруулах тэмцээнээ дөрөв дэх удаагаа зохион байгуулаад бужигнаж өнгөрлөө.  Өнгөлөг Колорода мужийн Дэнвэр хотод энэ тэмцээн анх зохиогдож гараагаа эхлэж байсан мөч саяхан юм шиг. Гэтэл яг дөрвөн жилийн дараа 5 сарын 23, 24-ний амралтын өдрүүдэд энэ тэмцээн “Mile-high” хотод эргэн ирж амжилттай явагдлаа.

“ДЭНВЕР-2009” Хөлбөмбөгийн тэмцээнд хамгийн олон баг оролцоно

“Алтан бөмбөг” клубын захирал, “ДЭНВЕР-2009” Тэмцээний ерөнхий зохион байгуулагч  Б. Баярсайхантай  Америкийн Монголчуудын хамгийн том тэмцээн болох Хөлбөмбөгийн тэмцээний тухай  ярилцлаа.

Салхит хотын Монголчууд ширэн бөмбөгөөр тэмцэлдлээ

тэмцэлдлээ   Америкийн Монголчуудын дунд тоо хэмжээгээрээ яалт ч үгүй эхэнд орох Чикагогийн Монголчууд хөлбөмбөгийн аваргаа шалгаруулах ээлжит тэмцээнээ өнгөрсөн Ням гарагт (4/19) амжилттай зохион байгуулж явууллаа.

Мөсөн дээрх гайхамшиг

-Уран гулгалтын ДАШТ-ээс хийсэн тэмдэглэл-   Өнгөрөгч ням гаригт  АНУ-ын Лос Анжелес хотноо өндөрлөсөн  уран гулгалтын дэлхийн аварга шалгаруулах тэмцээн сонин хачин ихтэй, сонирхолтой, өрсөлдөөн дүүрэн, нэг үгээр хэлбэл  ярих, дурсах зүйл  олонтой сайхан болж өндөрлөлөө.